Bestill skilt

Du får SMS frå oss når du kan hente dei nye skilta på trafikkstasjonen. Det tar to til fem vyrkedagar. Dei nye skilta får same registreringsnummer som dei gamle, og du må levere dei gamle skilta før du kan få utlevert nye. Les meir om moglegheitene for å levere inn skilta på sida til trafikkstasjonen din.

Du må bestille time når du skal hente skilt på trafikkstasjon.

Bestill time på trafikkstasjon

Endre storleik eller farge på skilt

Ønskjer du endringar av skiltfarge eller -storleik, kan du ikkje bestille skilt på Di side. Endringar krev godkjenning på ein køyretøykontroll før du får utlevert skilt. Du kan bestille skilt før køyretøykontrollen ved å sende oss ein e-post, eller bestille time for oppmøte på ein trafikkstasjon.

Les meir om å søkje om lite/US-skilt

Bestille eller hente skilt på vegner av andre

Du kan bestille skilt til køyretøy du ikkje eig ved å gå til skiltbestilling og søkje på registreringsnummeret til køyretøyet som skal ha nye skilt. Du vel kva trafikkstasjon skilta skal sendast til og betaler for skilta.

Dersom nokon andre enn eigar eller medeigar skal hente nye skilt, må den som hentar dei ha med ei fullmakt. Fullmakta må vere på papir og innehalda

• namn på eigar eller medeigar som gir fullmakt
• signatur frå den som gir fullmakt
• namn på den som har fått fullmakta
• registreringsnummeret til køyretøyet
• legitimasjon eller kopi av legitimasjon frå eigar eller medeigar (den som har gitt deg fullmakta)

Har du kjøpt eit køyretøy utan skilt?

For å kunne ta i bruk køyretøyet må du bestille skilt og køyretøyet må registrerast.

Innleverte skilt blir som hovudregel makulert. Du kan bestille nye skilt og få dei sendt heim i posten dersom du registrerer køyretøyet på Di side. Du kan også bestille skilt for levering på ein trafikkstasjon. Du kan då hente skilta utan å registrere køyretøyet. Hugs å bestille time når du skal på en trafikkstasjon.

Pris på skilt

Prisen på eitt skilt er 65 kroner, eitt sett på to skilt kostar 130 kroner.

Bestille lite skilt/US-skilt

Du kan også søkje om å få lite skilt/US-skilt til bilen din dersom det ikkje er plass til å montere dei ordinære skilta. 

Har du veteranbil?

Har du ein bil med skilttypen frå før 1971, med éin bokstav eller seks tal i registreringsnummeret, får du ikkje slike skilt frå oss. Skal du ha erstatningsskilt, og ønskjer at dei skal vere tidhøvelege, må du bestille dei sjølv frå ein produsent av slike skilt.  

Har du ein bil som er årsmodell 1970 eller tidlegare, eller var førstegongsregistrert før 1. april 1971, og ønskjer tidhøvelege skilt, må du først sende søknad til Statens vegvesen. Teiknkombinasjonen på skiltet du ønskjer kan ikkje vere i bruk eller tidlegare ha vore i bruk på andre køyretøy i Køyretøyregisteret.

Dersom du har skilttype frå 1971 eller nyare, kan du bestille nye skilt frå oss. Bestiller du frå oss må du vere merksam på at skilta ikkje vil ha ein tidhøveleg utsjånad. Dei vil vere av dagens type. Har du køyretøy eldre enn 30 år kan du òg bruke skilt av dåtidas type. Desse må du bestille sjølv frå ein produsent.

Ikkje ekstra skilt til sykkelstativ

Du kan ikkje bestille ekstra skilt til sykkelstativ. Skal du køyre med sykkelstativ kor skilta på bilen blir dekt, må registreringsnummeret vere godt synleg på annan måte. Du må sørgje for at registreringsnummeret til bilen blir vist i sort, på ei haldbar plate. Plata må vere kvit eller aluminiumfarga. Du kan lage plata sjølv, eller kjøpe gjennom ein forhandlar.

Storleikar og fargar på skilt

Skilt har ulike fargar og storleikar avhengig av kva slags køyretøy det blir brukt på.

Det er som standard fem ulike storleikar på skilt.

For bil er det:

• Stort skilt, smal versjon (52 x 11 cm)
• Stort skilt, høg versjon (34 x 21 cm)
• US-skilt (amerikansk format) (30,3 x 15,3 cm)

For moped, snøskuter, motorsykkel og traktor er det:

• Lite skilt, smal versjon (30,3 x 8,5 cm)
• Lite skilt, høg versjon (22 x 15,2 cm)