Tips til kjøpar og seljar

Vi tilrår at du og seljar skriv ein kjøpskontrakt (Forbrukarrådet). Sjekk seljar sin legitimasjon for å kontrollere at det er seljar som står som registrert eigar i vognkortet.

Seljar er ansvarleg for å fylle ut og sende salsmeldinga (melding om eigarskifte). Du vil få ein SMS når du skal logge inn på Di side og godkjenne salsmeldinga. Når du har godkjent salsmeldinga er eigarskiftet fullført, og du vil få ei stadfesting til den digitale postkassa di.

Hugs å forsikre køyretøyet frå vedtaksdatoen. Vedtaksdatoen er den dagen salsmeldinga blir godkjend av alle partar (kjøpar og eventuelle medeigarar). Har du ikkje forsikring innan tre dagar frå og med vedtaksdatoen, vil du få gebyr for kvar dag køyretøyet er uforsikra.

Du må omregistrere køyretøyet før du kan bruke det. Det er kjøpar som er ansvarleg for å betale omregistreringsavgifta, og det gjer du enkelt på Di side. Hugs at trafikkforsikringsavgifta (årsavgifta) blir inkludert i forsikringa.

Det kan vere lurt å sjekke registreringsstatus på køyretøyet før du tar det i bruk. Køyretøyet kan vere avregistrert sjølv om skilta er på.

Har du kjøpt eit avregistrert køyretøy må du hugse å registrere køyretøyet før du tar det i bruk. Dette kan du gjere sjølv på Di side når køyretøyet har gyldig forsikring og alle andre vilkår for registrering er ok.

Så lenge køyretøyet er avregistrert, vil du ikkje få varsel om EU-kontroll. Dersom fristen for godkjend EU-kontroll går ut i perioden køyretøyet er avregistrert, må det ha godkjent EU-kontroll før du kan registrere det.

Vi tilrår at de skriv ein kjøpskontrakt (Forbrukarrådet) før de byrjar på salsmeldinga.

Du må alltid levere salsmelding når du skal selje eit køyretøy. De kan enkelt levere salsmeldinga digitalt, og vi tilrår at du og kjøpar gjer dette saman.

Det er du som seljar som fyller ut salsmeldinga og sender ho til kjøpar. Hugs å sjekke kjøpar sin legitimasjon før du sender salsmeldinga. Kjøpar logger seg så inn og godkjenner salsmeldinga.

Du vil få ein SMS når salsmeldinga er godkjent, og eigarskiftet er fullført.

Har du personleg skilt, må du hugse å fjerne knytinga til det personlege bilskiltet før du sel køyretøyet ditt.

Hugs å fjerne AutoPASS-brikka frå bilen og bilen frå AutoPASS-avtalen før du gir frå deg køyretøyet.

Hugs å fjerne bilen frå alle parkeringsappane du har installert. Dette er viktig for å unngå å bli fakturert for parkering på parkeringsplassar med automatisk skiltlesing.