Etablerer DAB og naudnett i Måbødalen
Statens vegvesen etablerer no DAB og naudnett i dei fire tunnelane i Måbødalen.
Jobben starta 2. januar, og skal etter planen vera ferdig til mai.
![Arbeidet med å etablera DAB og naudnett i Måbødalen har alt starta. Foto: Knut D Y Åkre, Statens vegvesen](/contentassets/6f2409ca91934740a918200ec4072d27/mabodalen-jan24-1.jpg?width=768&mode=crop)
Statens vegvesen skal og setja opp innsnakkspanel (med tilhøyrande installasjonar) som skal brukast ved hendingar i tunnelane.
Trafikantane vil i januar bli påverka av arbeidet klokka 07.00-17.30 måndag-onsdag og torsdagar klokka 07.00-15.00.
Seinare blir det andre arbeidstider. Følg med på 175.no eller appen Vegvesen trafikk for oppdatert informasjon.
![Arbeidet med å etablera DAB og naudnett i Måbødalen har alt starta. Foto: Knut D Y Åkre, Statens vegvesen](/contentassets/4a1ed123fc1b4fd68c800600569c8f03/mabodalen-jan24-2.jpg?width=768&mode=crop)
Trafikkdirigeringa er det Sogn Vegtjeneste som står for. Trafikken blir sleppt igjennom kvar heile og og halve time. Unnatak for dette vert gitt til utrykkingskøyretøy, rutegåande trafikk og brøytebilar/vinterdrift.
– Vi har forståing for at vegarbeid med venting kan vera krevjande for trafikantane, men då er det viktig å minna om at vi gjer dette nettopp for dei. Ved å etablera DAB og naudnett i Måbødalen betrar vi trafikktryggleiken og moglegheita for å varsla ved hendingar, seier byggeleiar Knyt D Y Åkre i Statens vegvesen.
![Arbeidet med å etablera DAB og naudnett i Måbødalen har alt starta. Foto: Knut D Y Åkre, Statens vegvesen](/contentassets/3efce3301ebb4c2aa7e012c2d62143c3/mabodalen-jan24-3.jpg?width=768&mode=crop)