Redusert fartsgrense i Åkrafjordtunnelen 2. oktober

Onsdag 2. oktober skal BKK skifta eit høgspentanlegg i nettstasjonen på sørsida av E134 Åkrafjordtunnelen i Etne kommune. I perioden 09:00 til 21:00 vil omtrent halva tunnelen vera utan lys, og det er forventa at heile tunnelen, og dessutan Markhustunnelen, vil vera utan kommunikasjon med Vegtrafikksentralen.

I denne perioden blir farten gjennom tunnelen redusert til 50 km/t.

– Me set inn tiltaka for å vareta trafikktryggleiken medan arbeidet går føre seg, seier tunnelforvaltar Karoline Bakken Bråthen i Statens vegvesen.

Statens vegvesen ber trafikantane om å vera ekstra merksame når dei ferdast gjennom tunnelen denne dagen.