Pakk bilen riktig
Ved ei ulykke eller bråbrems blir usikra gjenstandar kasta framover og kan skape stor skade.
Difor er det vikitg å sikre all last før du byrjar å køyre. Til dømes vil ein usikra iPad i baksetet fare framover med stor kraft ved ein kollisjon i 100 kilometer i timen.
Slik lastar du bilen riktig
- Oppbevar små gjenstandar i hanskerommet eller under setet.
- Set handleposar inntil bakseteryggen i bagasjerommet.
- Unngå å oppbevare gjenstandar på hattehylla.
- Plasser store gjenstandar i bagasjerommet eller ved å sikre det i eit bagasjenett.
- Har du bagasjenett som går opp til taket, kan det gjerne brukast heile tida.
- Pass på at du stablar bagasjen slik at du har fri sikt når du køyrer.
- Fordel lasta i bagajserommet frå side til side, legg dei tyngste gjenstandane nedst i midten, og så nære ryggstøtta som mogleg.
- Legg ned last som kan velte.
- Bruk innebygde krokar for å hindre at tung last sklir inn i baksetet.
- Skiboks gir ekstra plass, men eignar seg best til lette gjenstandar.
Sikring av hund i bil
Du må ikkje køyre med hunden laus i bilen. Det er ikkje trygt for verken hunden, sjåføren eller passasjerane. Den kan bli kasta fram i ein bråstopp og i verste fall skade både seg sjølv og andre.
Du bør sikre hunden i eit transportbur eller i ein sele som er berekna for transport av hund i bil. Fest og plasser bruet i bagaserommet, fram mot ryggstøtta.
Last på taket
Viss du lastar for tungt på taket, blir bilen vinglete og køyreeigenskapane vil verte dårlegare. Sikre lasta riktig ved å
- leggje den tyngste lasta nedst
- leggje lasta med rett kant framover
- sikre alle elementa med lastestroppar
Sjekk instruksjonsboka eller vognkortet for kva som er tillate vekt, og pass på at takstativet er riktig montert.
Du bør laste dei lettaste tinga i skiboksen og dei tyngre tinga i bagasjerommet. Plasser lasta i skiboksen slik at du fyller ut framover og ut mot sidene.
Last på tilhengjar
Du må sikre at all last på ein tilhengjar ikkje forskyv seg eller fell av. Gods som kan støve, ryke eller kvervle av køyretøyet, skal sikrast med nett eller presenning. For andre gjenstandar må du bruke lastestroppar.
Lang last skal plasserast så langt fram som mogleg med rett kant framover. Sikre lasta slik at den ikkje forskyv seg på tilhengjaren. Bruk merkeband på last som stikk ut meir enn ein meter bakover.
Pass også på at du lastar tilhengjaren slik at det blir riktig kuletrykk, som betyr cirka 50 til 75 kilo på ein lasta tilhengjar. Vekta skal berast av aksla til tilhengjaren. Du kan måle kuletrykket med ei badevekt.
Last på både tak og i tilhengjar
Har du last på tak og i tilhengjar må lastsikringa tole heile vekta til lasta framover og halve lasta til sidene og bakover.