3, 4 og 5. desember inviterer vi til informasjonsmøte på Vaksdal, Trengereid og Stanghelle. Prosjektet vil informere om arbeida, og presentere framdriftsplan. Les meir 

Fellesprosjektet Arna–Stanghelle

Prosjektet vil gi raskare og tryggare veg- og jernbane mellom Arna og Stanghelle.

For å sikre raskast mogleg framdrift i prosjektet er det prioritert midlar i Statsbudsjettet for 2025 til å sette i gang prosess med å anskaffe rådgjevingsskontrakt til prosjektering og arbeid med konkurransegrunnlag for den første av dei store entreprisene. Det er og prioritert midlar til å starte anskaffing av kontrakt for berg- og skredsikring tidleg i 2025, slik at arbeidet med å sikre anleggsområda kan starte i 2025. Oppstart av prosjektet føreset vedtak i Stortinget om kostnadsramme og delvis bompengefinansiering.

Siste nytt:

6. november 2024 - Informasjonsmøte på Vaksdal, Trengereid og Stanghelle 3, 4 og 5. desember

Arna-Stanghelle-Voss er ein viktig del av hovudkorridoren for transport mellom Bergen og Oslo, både på veg og på jernbane. I dag er veg- og jernbanestrekninga prega av låg standard, tunnelar med stort behov for vedlikehald og oppgraderingar, og skredutsette område. Det gir ein lite effektiv og føreseieleg reiseveg for trafikantar og næringsliv og store kostandar for samfunnet. I tillegg er det mange trafikkulukker. Hovudproblemet er særleg dei mange alvorlege møteulukkene.

Prosjektet er eit fellesskap mellom Bane NOR og Statens vegvesen der veg og bane vert bygt ut samtidig, frå Arna utanfor Bergen, til Stanghelle i Vaksdal kommune. På grunn av den vestlandske topografien med bratte fjell og djupe fjordar, skal traseen i all hovudsak verte lagt i tunnel.

Fellesprosjektet Arna-Stanghelle vil gi auka trafikktryggleik, føreseieleg transport, auka kapasitet for gods på bane og redusert reisetid.

Slik blir ny veg og bane:

  • Ny E16 vert bygt som firefelts veg frå Arna til Trengereid, og vidare mot Stanghelle som tofelts veg.
  • Jernbana vert bygd som dobbeltspora tunnel mellom Arna stasjon til ny stasjon på Vaksdal, og vidare til ny stasjon på Stanghelle.
  • Nesten 80 kilometer med tunnelar skal byggast i det som er landets største tunnelprosjekt gjennom tidene.
  • Byggetida er forventa å vere om lag 12 til 14 år.

Under kan du sjå korleis veg og bane vil sjå ut med ny løysning.

Fellesprosjektet Arna-Stanghelle - vedteken løysing

Norges største tunnelprosjekt er eit fellesprosjekt mellom Statens vegvesen og Bane NOR. Vi skal nå bygge både ny veg og dobbeltsporet jernbane mellom Arna og Stanghelle. Dette betyr at vi nå skal bygge Norges største tunnelprosjekt med til saman nesten 80 kilometer veg- og jernbanetunnelar. Video: Red Ant for Statens vegvesen og Bane NOR.
E16 og Vossebanen oversiktskart. Illustrasjon: Statens vegvesen
Kart som viser oversikt over korleis E16 Vossebanen og Arna-Stanghelle vil sjå ut med ny planlagt løysning.

 

Veg:
E16
Fase:
Byggefase
Kommunar:
Vaksdal, Bergen
Fylke:
Vestland
Lengde:
30 km veg og jernbane
Nasjonal transportplan:
Omtalt i NTP 2025–2036
Totalkostnad:
Omlag 40 milliarder 2025-kroner (prognose)
Antatt opna:
2036

E16 og Vossebanen Arna–Stanghelle © NVDB, Geovekst, kommunene og Open Street Map contributors (utenfor Norge)

Kontaktar

Katrine Sælensminde Erstad

Prosjektsjef
Telefon:
416 80 912
E-post:

Anne Katrine Laskemoen Herdlevær

Assisterende prosjektsjef
Telefon:
926 47 455
E-post:

Catrine Hatlenes

Prosjektleder prosjektering
Telefon:
911 94 840
E-post:

Ingvild Eikeland

Kommunikasjonsrådgiver
Telefon:
982 49 707
E-post:

Ingrid Feet Bjørgo

Kommunikasjonsrådgiver
Telefon:
970 78 677
E-post:

Flere nyheter
Sist oppdatert:

Gå vidare