Anbodsopning på Askvollkrysset
Som del av Førdepakken skal Askvollkrysset mellom E39 og fv. 609 utbetrast for å letta trafikken og betra tryggleiken. Fristen for å levera anbod på arbeidet er no gått ut, og i dag vart anboda opna.
I alt er det komme inn fire anbod på prosjektet. Den lokale entreprenøren Magne Hafstad AS har levert det lågaste anbodet, på knappe 29 millionar kroner.
– Me er godt nøgde med konkurransen og prisane som har komme inn, seier byggjeleiar for delprosjektet, Asgeir Helleseth Furnes.
– No skal me kontrollrekna og gå gjennom dokumentasjonen til entreprenørane. Me reknar med få underskrive kontrakt rundt nyttår, og slik at arbeidet kan ta til i fyrste halvdel av januar.
| Anbod | |
| Magne Hafstad AS | 29 164 066 |
| Røyseth Maskin AS | 32 672 339 |
| Contexo AS | 34 409 141 |
| Entreprenørservice AS | 36 373 935 |
