Stenger rv. 36 Bø–Seljord 1. desember
Statens vegvesen stenger riksveg 36 for trafikk mellom Sanden camping og vidare mot Seljord i samband med utbygginga av Buktiparsellen. Vegen vert halde stengd samanhengande i fem månader og opnar igjen 1. mai 2021.
Årsaka til stenginga er omfattande sprengningsarbeid og dessutan arbeid med ny veg som vil kryssa dagens veg i anna høgde.
Personbilar må køyre på vestsida av Seljordsvatnet, om Garvikstrondi. Tunge køyretøy må bruke E134 om Notodden og Hjartdal som omkøyringsveg.
Dei som bur nærast blir varsla med SMS i god tid før sprengningsarbeid. Hus- og hytteeigare i anleggsområdet er oppmoda til å ta kontakt med entreprenør for å gjere seg kjent med tilhøva.
Dette er siste stengeperiode på prosjekt rv. 36 Bø-Seljord. Etter tidlegare stengeperiode vart Stodiparsellen bygd ferdig og trafikken sett på 1. mai 2020.
![Mange høge fjellskjeringar på Stodiparsellen. Foto: Jorun Sætre, Statens vegvesen](/globalassets/vegprosjekter/utbygging/rv36seljorstrondi/bilder/img-6631-rv36-bo-seljord-584.jpg?width=768&mode=crop)