Jubel i baksetet kvar gong Håkon kryssar Hardangerbrua

Hels på Håkon Matre! Han er ein av prosjektleiarane på riksveg 555. Sotrasambandet, og har ansvar for alle konstruksjonane, all arbeid på veg og all trafikkavvikling knytt til prosjektet.  

Med ei hengebru på 900 meter, 22 mindre bruer, 19 portalar og fleire undergangar er det ganske mange konstruksjonar som skal følgast opp. Prosjektet ligg òg tett på tungt trafikkerte områder der det er få moglegheiter for å legge trafikken over på avlastande omkøyringsvegar.  

Med andre ord har Håkon litt å holde fingrane i. Men det er tilliten han har blitt vist og utviklingsmoglegheitene han har fått, som er noko av grunnen til at han har blitt verande i Vegvesenet i over 17 år. 

Som nyutdanna byggingeniør var Håkon ein av dei første som fekk teste ut Statens vegvesen sitt traineeprogram. Her fekk han i to år prøve seg på ulike oppgåver i ulike seksjonar i Vegvesenet.  

– Det fine med å jobbe i Vegvesenet er at du heile tida får moglegheita til å prøve deg på nye ting. Det har gjort at eg har fått lov til å jobbe med mykje spanande, delta på ulike kurs og ikkje minst fått ta ein erfaringsbasert master på NTNU. Så sjølv om eg har hatt same arbeidsgjevar i mange år nå, har eg heile tida fått prøve ut nye roller og arbeidsoppgåver. 

Med erfaringar frå mellom anna Hardangerbrua og Nordhordlandsbrua har Håkon etter kvart bygd seg opp ein spesialisering innanfor bruer. Som prosjektleiar i Sotrasambandet for Nye Sotra bru følger Håkon opp produksjonen og kvaliteten i arbeidet som blir utført av entreprenørane i prosjektet, i tillegg til at han følger opp at lover, regler og vert fulgte etter standardane i kontrakten.  
– I blant får eg vore ute og lufta meg, men det blir dessverre mindre no som eg har rolla som prosjektleiar. Men eg tar meg ofte ein tur innom anleggsområda for å følge med på utviklinga og følgje opp at arbeidet går føre seg slik det skal. Spesielt om det er ei større utfordring som skal løysast liker eg å ta meg ein tur ut på anleggsområdet for å få et overblikk over situasjonen og å kunne følgje den godt opp. 

Når Håkon fortel om noko av det som gjer at han trivst så godt i Vegvesenet trekker han fram prosjektorganiseringa sine mange fordelar.  

– Når ein jobbar i eit prosjekt med eit livsløp og ulike fasar får ein heile tida lære noko nytt og utvikle seg. Og når prosjektet er over går du inn i et nytt prosjekt som lærer deg nye ting. Dermed utviklar ein seg saman med prosjekta ein er i.  

Vidare løftar han fram kor viktig det gode arbeidsmiljøet er for at han trivst så godt på jobb.  

– Det er stor forskjell på om ein får gjere arbeidsoppgåvene sine i eit godt arbeidsmiljø eller ikkje. Derfor set eg så stor pris på at vi i Vegvesenet alltid tar ansvar for å gjere kvardagen til de rundt oss fin, og at alle er med på å bygge opp om det positive miljøet vi har. Det er det som gjer at vi har det så gøy på jobb!