RNB-midlar ga veglys på E39 Stord
Bevilgning i revidert nasjonalbudsjett ga veglys langs tre kilometer E39 nord på Stord, frå Levåg til Engevik i Fitjar kommune.
Det var i fjor vår at Statens vegvesen starta arbeidet på strekninga, med å laga ny gang- og sykkelveg, samt forbetra sideterreng for å betra sikta langs vegen.
![Veglys i bakken opp frå E39 Levåg og sørover. Foto: Lars Olve Hesjedal, Statens vegvesen](/contentassets/b5d1c41d6bf74db1b440650e5b0f014f/veglys-stord-26okt23-37.jpg?width=768&mode=crop)
Samtidig gjorde Vegvesenet forarbeid for å kunna få opp gatelys på denne E39-strekninga i Sunnhordland.
– Med 5 millionar friske kroner frå revidert nasjonalbudsjett har vi nettopp fått lysanlegget i drift, seier byggeleiar Knut-Stian Rimmereid i Statens vegvesen.
![I tillegg til å få opp veglys, har Statens vegvesen og laga gang- og sykkelveg og forbetra sideterreng for å betra sikta. Foto: Lars Olve Hesjedal, Statens vegvesen](/contentassets/54758654828a48009d6b1d18ca469efb/veglys-stord-26okt23-46.jpg?width=768&mode=crop)
– Vi er veldig glade for å kunna tilby trafikantane på strekninga ein forbetra E39. Tiltaka har gjort vegen sikrare og tryggare både for bilistar og mjuke trafikantar, legg han til.
Lysa er komne i drift både langs sjølve E39, og langs den nye gang- og sykkelvegen Statens vegvesen har laga i området.
![Statens vegvesen har montert veglys også på den nye gang- og sykkelvegen nærast ferjeleiet i Sandvikvåg. Foto: Lars Olve Hesjedal, Statens vegvesen](/contentassets/07863c061d124d589809883b840b193e/veglys-stord-26okt23-45.jpg?width=768&mode=crop)