Fv. 661 Vik – Furneskrysset - oppstart av reguleringsplanarbeid
I samsvar med § 12-8 i plan- og bygningsloven kunngjer Statens vegvesen oppstart av reguleringsplanarbeid for trafikktryggingstiltak langs fv. 661 frå Vik til Leirvikbukta i Vestnes kommune.
Planen vil bli utarbeidd i samarbeid med kommunen.
Målsettinga med planarbeidet er å skaffe eit formelt grunnlag for å kunne gjere tiltak for å betre trafikktryggleika før den nyleg regulerte fjordkryssinga E39 Vik–Julbøen opnast for trafikk. Planen vil bli utarbeidd som ei detaljregulering etter § 12-3 i plan- og bygningsloven.
Reguleringsplanen for E39 Vik-Julbøen blei vedtatt i 2016. For Planområde Vik-Nerås i Vestnes kommune gjeld det rekkefølgebestemmelse for fv. 661:
«Før E39 Vik-Julbøen blir tatt i bruk skal det gjennomførast nødvendige trafikktryggingstiltak langs fv. 661 mellom Furneskrysset på Vestnes og kryss med E39 på Vik, herunder samanhengande gang- og sykkelveg.»
Grensene for planområdet blir snevra inn etter kvart som vi konkretiserer aktuelle løysingar. Det blir sendt brev direkte til grunneigarar innafor planområdet og andre høyringsinstansar.
Sjå dokumenta her: http://www.vegvesen.no/Europaveg/e39romsdalsfjorden/fylkesveg-661