Lanserer informasjonsportal for E39 Bokn-Hope
– Vi ynskjer at folk som bur i området skal oppleve å få god oversikt slik at det skal være lett å følgje med , seier planleggingsleiar Henry Damman.
Det er nettopp alle dei som bur i planleggingsområdet som prosjektet no håper vil følgje med i informasjonsportalen. Prosjektet tar mål av seg å oppdatere portalen hyppig med smått og stort. Den vil innhalda kart, video og blider og små tekstar, og den fungerer like godt på mobil som på PC eller nettbrett.
– Vi er avhengig av god medverknad med folk som bur i planleggingsområdet. Dei kjenner området best. Prosjektet ynskjer god og open kommunikasjon og vi vil oppfattast som eit prosjekt som det er lett å ta kontakt med, seier Damman.
Informasjonsportalen er eit tillegg til prosjektets nettsider på vegvesen.no, og dei vil utfylle kvarandre.
– Lansering av informasjonsportalen markerer at vi verkeleg er i gang med arbeidet med eit av Vestlandets mest spanande prosjekt, avsluttar Damman.