Varsel om planoppstart E39 Oppedal ferjekai, etablering av liggekai
Statens vegvesen skal i samarbeid med Gulen kommune i gang med å lage detaljplan for det nemnde prosjektet. Vi ber med dette om innspel til arbeidet.
Skildring av prosjektet
Føremålet med prosjektet er å legge til rette for framtidig behov for auka frekvens og kapasitet på ferjesambandet E39 Lavik–Oppedal. Frå 2025 vert det ny ferjekontrakt på sambandet. I den nye kontrakten vert det planlagt for krav om at alle ferjene skal vere heilelektriske. I tillegg vert det lagt opp til fire ferjer på sambandet, mot tre som det er i dag.
Liggekaien som det no skal planleggast for skal nyttast for nattligge for ferje som ikkje er i rute. Tiltaket vil medføre etablering av kai-konstruksjon i tilknytning til Oppedal kai.
Oppstartsmeldinga er også tilgjengeleg på nettsida til Gulen kommune under «høyringar og kunngjeringar»
Det er vurdert til at reguleringsplanarbeidet ikkje utløyser krav om konsekvensutgreiing i høve «Forskrift om konsekvensutredninger».
Planområdet
Planområdet omfattar heile eksisterande plan «Ferjekai Oppedal Ytre», planid 4635_2010011. Utover eksisterande plan er plangrensa utvida i området der ein planlegg for etablering av den nye liggekaien.
Eigedom 118/32 og 118/36 vil bli direkte påverka av tiltaket ved landankring og tilkomst til liggekai, områda er i dag avsett som næring/tenesteyting. Servicebygg blir ståande som i dag.
Framdrift og frist for innspel
Vi ber om at de sender synspunkt, innspel eller relevante opplysningar til oss skriftleg innan 14.08.2022 til:
- Statens vegvesen, Pb. 1010 Nordre Ål, 2605 LILLEHAMMER
- eller
Merknader merkast med «E39 Oppedal ferjekai. Etablering av liggekai 22/101211»
Kontakt
Har du spørsmål kan du ta kontakt med:
- Prosjektleiar Oddvin Hov, tlf 95 25 31 41 eller e-post
- Planleggingsleiar Runa Aaland Eggum, tlf 95 75 61 06 eller e-post
Aktuelt regelverk
Dette varselet er sendt ut i samsvar med Plan- og bygningslova § 12-8. Planen vert utarbeidd etter §§ 12-3, 12-8 og 3-7.