Startar vegarbeid mellom Rothaugtunnelen og Sandvikstorget
Tysdag 1. april startar det opp anleggsarbeid mellom Rothaugtunnelen og Sandvikstorget. Arbeidet vil medføre endra køyremønster og lysregulering.
Det blir endra køyremønster for bilistar langs strekninga, og gang- og sykkelfeltet langs Sjøgaten, mellom Rothaugtunnelen og Sandvikstorget, vil bli stengd. Mens anleggsarbeida går føre seg vil også Johan Mohrs gate bli stengd for gjennomgang. Gåande kan ta i bruk gangfelt på vestsida av vegen (langs med sjøen), mens syklande anbefalast det at tar i bruk alternativ sykkelrute via Amalie Skrams vei.
I forbindelse med etablering av anleggsområdet vil det tysdag 1. april og onsdag 2. april mellom kl. 09:00 og 14:00 vere manuell dirigering på staden. Dette er grunna arbeid med å etablere ny vegmerking, etablere lysregulering og setting av tungsikring langs arbeidssona. Busstoppet med namn Sandvikstorget, retning Bergen sentrum, vil også bli midlertidig flytta 50 meter lenger sør mot Sandvikstorget.
Arbeidsområdet som no skal etablerast, er ein del av arbeidet med den nye gang- og sykkelvegen frå Bradbenken til Glass Knag.
Arbeid på kveld og natt
I anleggsområdet frå Gjensidigekrysset og langs Reperbanen vil det torsdag 3. april bli asfaltering på strekninga. Arbeidet vil bli utført på kveld og natt, og vil strekke seg frå klokka 19:00 3. april til 06:00 neste morgon. Asfalteringsarbeidet vil medføre manuell dirigering på staden.
Kontaktperson:
Bjørn Rusten Lundberg
Byggeleder Statens vegvesen
Mobil: +4797422488