Kolonneplass i Aurland på høyring
Kolonneoppstillingsplass langs E16 i Aurland er ute på høyring med frist 12. april. Dette er ein del av førebuinga til oppgradering av Lærdalstunnelen.
I samband med oppgradering av Lærdalstunnelen, skal det gjerast klart eit areal for oppstillingsplassar for køyretøy på begge sider av tunnelen. Planforslaget på Aurland-sida er no klart, og ligg ute til høyring hos Aurland kommune.
Høyringsfristen er: 12. april 2024.
Planlagd kolonneoppstillingsplass ligg mellom Onstad og Nyheim, på sørsida av Aurlandselvi tett inntil E16.
![Illustrasjon av oppstillingsplass, sett frå E16 og med Aurlandselvi i bakgrunnen.](/contentassets/8ca022c8831f4c00a37944956134a17b/kolonneoppstilling.jpg?width=768&mode=crop)
Kolonneoppstillingsplassen og tilhøyrande tiltak er mellombels, og skal tilbakeførast etter at oppgraderinga av Lærdalstunnelen er gjennomført.
Innspel til høyringa skal sendast til: COWI AS, ved: Jørgen Sandø, Postboks 2422 N-5824 Bergen eller på epost: jesn@cowi.com