Her vart «Sogevegen» i Telemark innvigd

Då vart og fleire skilt avduka i regi av dei to ordførarane frå kommunane Hjartdal og Seljord, Bengt Halvard Odden og Beate Marie Dahl Eide.

For Statens veg vesen markerte det avslutninga på etterbrukstiltaka på gamle E134 over Nutheim etter opninga av Mælefjelltunnelen 19. desember 2019.

Nytt utsiktspunkt

Tunnelen er den lengste vegtunnelen i Telemark og den sjuande lengste i landet. Totalt blei det bygd 11,7 km ny veg som erstatta 22,6 km av den tidlegare vegen om Nutheim og Flatdal. Sjølve tunnelen er 9,4 kilometer lang.

I fjor sommar opna Statens vegvesen det nye utsiktspunktet Nylende utsiktspunkt Flatdal ved Nutheim. Det er no blitt Sogevegens største turistattraksjon.

Engasjement og dugnad

-Prosjekt E134 Gvammen-Århus hadde avsett 40 mill.kr til bruk som tiltak på avlasta vegnett, no fv. 3420 om Nutheim. Dette var i utgangspunktet tenkt nytta som TS-tiltak, mellom anna med bygging av ny G/S-veg på 2 km av strekninga- For å få betre nytte av midla blei det satt ned ei styringsgruppe med folk frå SVV, fylkeskommune og kommunane Hjartdal og Seljord. Lokale arbeidsgrupper i Hjartdal, Svartdal og Svartdal deltok og med engasjement og dugnad. Dei vart samde om at midla skulle brukast og prioriterast av styringsgruppa for å få meir tiltak ut av midla, fortel prosjektleiar i Statens vegvesen, Trond Øygarden.

11km turistsykkelveg

Resultat blei ei samanhengande sykkelrute på/langs heile 11 km avlasta vegnett. Det marknadsførast no som en skilta turistveg og sykkelrute.

-Vi meiner denne organiseringa og bruk av midla har hatt store positive ringverknader for dei som bor langs vegen, næringsaktivitet, attraksjonar og kulturhistorie i bygdene. Det har og vært mogleg å sette opp skilt, informasjon, markørar/kunst for å tiltrekke seg bil- og sykkelturistar langs Sogevegen, seier Trond Øygarden