Svindel på SMS og e-post

For at nettsidene skal fungere best mogeleg for deg, må du aktivere JavaScript i nettlesaren din. Her finn du rettleiing til korleis du aktiverer JavaScript i nettlesaren (ekstern lenke).

Du kan også bruke nettsidene utan å aktivere JavaScript. Bruk søket eller naviger ved hjelp av nettstadskartet.

Har du fått ein SMS eller e-post frå Statens vegvesen som du ikkje venta? Ta deg god tid, og sjekk meldinga nøye før du gjer noko.

Akkurat no er det mange som får falske e-postar der dei blir innkalla som vitne til ei trafikkulykke. E-postane viser til Statens vegvesen, og avsendaren er @toll-norge.com.

Logg alltid inn via vegvesen.no eller autopass.no

Det beste vernet mot svindel er at du sjølv går til vegvesen.no eller autopass.no og loggar inn der. Då veit du at det er den ekte nettsida du kjem til.

Slik beskyttar du deg

Slett SMS og e-post du mistenkjer er svindel, utan å opne dei.
Gå alltid til vegvesen.no eller autopass.no ved å skrive det inn på adresselinja øvst i nettlesaren.
Har du vorte svindla? Meld det til politiet så fort som mogleg. Gi også gjerne beskjed til oss på krimtips@vegvesen.no slik at vi kan gjere vårt for å stoppe svindlaren.
Har du delt kredittkortnummer, BankID eller kontonummer med nokon og mistenkjer at det var svindel? Kontakt banken din med ein gong. Du kan også sperre kortet ditt i nett- eller mobilbanken din.

Døme på falske e-postar

Dette er nokre falske e-postar som er sende ut. Dei kan til dømes ha avsendaradresse vegvesen.no, regnskap@vegvesen.no eller autopass.no. Det er no også falske e-postar frå toll-norge.no der vegvesenet står som sender:

Dette er ein falsk e-post med teksten: "Vi kontaktar deg på vegner av Statens vegvesen om ei trafikkulykke som fann stad i nærområdet ditt." — Mange har fått ein falsk e-post der det står at dei er innkalla som vitne til ei trafikkulykke. Du må ikkje trykkje på nokon lenkjer i e-posten. Illustrasjon: Statens vegvesen

En falsk e-post som vart sendt ut i januar 2025 med denne teksten:
«Vi skriver til deg med en viktig oppdatering som vil tre i kraft i 2025. Denne endringen er avgjørende for å sikre at du kan fortsette å bruke våre tjenester og opprettholde gyldigheten av dine førerkort- og kjøretillatelseregistreringer.
Viktig: Handling kreves før 2025
For å overholde nye regelverk som blir innført fra og med 2025, må du fullføre en oppdatering i vårt system. Dette vil bidra til å forbedre sikkerheten og effektiviteten i våre prosesser, samt sikre at alle sjåfører og kjøretøy er i tråd med de nye kravene.
Oppdateringsgebyr
Beløp: 280 kr» — Falsk e-post sendt ut i januar 2025. Avsendaradressa på denne e-posten var regnskap@vegvesen.no. Illustrasjon: Statens vegvesen

Dette er ein e-postsvindel frå 30 oktober 2024. Teksten er: «Kunde, vi skriver til deg med en viktig og presserende oppdatering angående førerkortet ditt. For å sikre din fortsatte tillatelse til å kjøre lovlig, må du gjennomføre en kritisk oppdatering i vårt førerkortsystem. Denne oppdateringen er påkrevd som en del av nye, strengere forskrifter som trer i kraft.»
E-posten inneheld også ei falsk lenkje. — E-posten ber deg om å oppdatere førarkortet ditt. Illustrasjon: Statens vegvesen

Døme på falske SMS

Dette er nokre av dei seinaste falske sms-ane som er sende ut:

Eksempel på svindelforsøk. Teksten er: «Du betalte ikke for den siste turen fordi en gyldig elektronisk merkelapp ikke ble oppdaget på kjøretøyet ditt, vennligst betal nå for å unngå bøter. Link: [lenke]. (Vennligst svar Y, gå ut av SMS-en, åpne SMS-aktiveringslenken på nytt eller kopier lenken for å åpne i Safari-nettleseren)» — Døme på svindelforsøk september 2024. Illustrasjon: Statens vegvesen.no

Døme på SMS-svindelforsøk. Teksten i SMS-en er «Din utestående faktura til kreditor: Statens vegvesen har betalingsfrist d. 11.09.23. For å unngå innkasso [nettadresse]. Vennligst avklar saken nå REF: 57839.» Referansenummeret er en lenke. — Døme på SMS-svindelforsøk. Illustrasjon: Statens vegvesen

To døme på SMiShing (SMS-svindel). Illustrasjon: Statens vegvesen

Slik avslører du forsøk på svindel

Får du ei melding du ikkje ventar, skal du alltid vere forsiktig:

Ein e-post som ser ut til å vere send frå ei adresse som sluttar på vegvesen.no, kan vere svindel, og ein falsk SMS kan liggje saman med andre meldingar frå ein kjend avsendar. Får du e-post frå Vegvesenet eller Autopass som er sendt frå ei ei avsendaradresse som sluttar på noko anna enn vegvesen.no, er det alltid svindel.

Ikkje opne vedlegg eller trykk på lenker i SMS og e-post. Ei lenke kan føre til ei falsk nettside for å lokke frå deg passord eller andre opplysningar.

Sjekk språket. Svindelforsøk er ofte prega av dårleg språk og ein truande tone. Ver ekstra skeptisk dersom avsendaren oppfordrar deg til å handle raskt eller understrekar at det er viktig at du gjer noko.